ဒီနေ့ ဆိုရင် နှလုံးခုန်သံ သုံးကြိမ်တိတိ ရပ်သည်ကို သူမ စပြီး သတိထားမိသည်။
ပထမအကြိမ်က နေ့ လည်က သီချင်းနားထောင်ရင်း 1 စက္ကန့် လောက် ရပ်သည်။
ဒုတိယအကြိမ်က အပြင်သွားခိုက် ကားမောင်းရင်း နှလုံးခုန်သံ 2 စက္ကန့် လောက် ရပ်သွားခဲ့သည်။
တတိယအကြိမ်ကတော့ အခုလေးတင် ဖြစ်သည်။ 2 စက္ကန့် လောက် ရပ်သွားပြန်သည်။
လန့် သွားလား ကြောက်သွားလားဟု မေးလျှင် မလန့် မကြောက် ဟု ပင် သူမ အမှန်အတိုင်း ဖြေမိမည်။
ဆရာဝန်နှင့် သွားတွေ့ ချင်လား ဆိုလျှင်လည်း မတွေ့ ချင်ဟုပင်ဖြေမည်။
သူမ မတွေ့ ချင်ဆုံးတွင် ဆရာဝန်က ထိပ်ဆုံးက ပါသည်။
သူ့ အနားတွင် ရှိနေခိုက် ဆိုလျှင် သူမ သေမှာလည်း မကြောက် သလို ဘာဆိုဘာမှ မကြောက်ပါပေ။
လောကကြီးတွင် နေပျော်ခဲ့ပြီဘဲ။ သူမ ကျေနပ်ပါသည်။
သူမ ဘ၀တွင် အချစ်တွေ အများကြီးရခဲ့ဖူးသည်။ လိုချင်တာတွေ အတိုင်းအတာတစ်ခုထိ ပြီးပြည့်စုံခဲ့သည်။ တစ်ခုဘဲ ကြောက်သည်။ သူမသိဘဲ၊ သူ့ အနားမှာ မရှိခိုက်တော့ ဘယ်လိုနည်းနှင့်မျှ သူမ မသေချင်သေးပါ..
သေချာသိသည်က သူမ အိမ်အပြန်လာကို သူမျှော်နေပေလိမ့်မည်။
ထိုအခါတွင် သူမ၏ နှလုံးသား ၀ိဥာဉ် သည် သူ မမြင်တွေ့ သော်ငြား သူ့ အနားတွင်သာ ၀ဲပျံနေပါလိမ့်မည်။
ညစဉ်ညတိုင်း အလေ့အကျင့် ရှိသည့်အတိုင်း သူ အိပ်ရာမ၀င်ခင် ဘုရားရှစ်ခိုးပြီး အမျှဝေပါလိမ့်မည်။
သူမ ကြားသိနိုင်လျှင်ဖြင့် သာဓုခေါ်ဆိုနိုင်ပြီး ရောက်ရာဘ၀မှ ကျွတ်လွတ်နိုင်ကာ နောင်ဘ၀တစ်ခုတွင် ကြိုပြီး သူ့ ကို စောင့်နေပါလိမ့်မည်။
ဘ၀တိုင်း ဘ၀တိုင်းမှာလည်း ပျော်ရွှင်စွာဖြင့် သူနဲ့ သာ ပြန်လည် ဆုံဆည်းခွင့်ရချင်ပါသည်။
ဤသည်မှာ သူမ ၏ တစ်ခုတည်းသော ဆန္ဒမှန် နှလုံးသားမှန်သာ ဖြစ်ပါတော့သည်။
